د ملګرو ملتونو د سرمنشي مرستیال د پوهنې وزارت له سرپرست وزیر سره وکتل
د ملګرو ملتونو د سرمنشي مرستیال مارتین ګریفیتس او ورسره پلاوي د پوهنې وزارت له سرپرست وزیر الحاج مولوي حبیب الله آغا سره وکتل او په یو لړ مهمو موضوعاتو یې ورسره خبرې وکړې.
د ملګرو ملتونو د سرمنشي مرستيال مارتين ګریفتس د پوهنې له سرپرست وزیر مولوي حبیب الله اغا سره په لیدنه کې ژمنه وکړه، چې له افغانستان سره د نړیوالې ټولنې مرستې به تلپاتې او غير مشروطې وي او سیاسي تعاملات به هېڅکله د یادو مرستو بهير ټکنی نه کړي..
د پوهنې سرپرست وزير په دې لیدنه کې په افغانستان کې د نړيوالې ټولنې ښوونیز فعاليتونه ستایلي او ډاډ یې ورکړی، چې نړیوالو خیریه بنسټونو ته به د فعالیت اسانتیاوې برابرې او د همغږي په برخه کې به یې مهم رول ولوبوي.
