له ولایتونو څخه د پوهنې خبرونه
بلخ
د ترتیب شوي مهال وېش له مخې د شورتېپې ولسوالۍ د پوهنې آمر د ابوجعفر بلخي لېسې له اداري او تدریسي چارو څخه څارنه وکړه او مسوولینو ته یې د ستونزو د حل په موخه لازمې لارښوونې وکړې.
لغمان
د دولت شاه ولسوالۍ د تعلیمي څارنې پلاوي د نوره لېسې په ګډون د يادې ولسوالۍ د يو شمېر ښوونځيو له درسونو څخه ليدنه وکړه او د هغوى د اداري او تدريسي ستونزو د حل په موخه يې لازمې لارښوونې وکړې.
کابل
د پغمان ولسوالۍ د حضرت عثمان عالي لېسې د نوي مدير د معرفي کولو په مراسمو کې چې د يادې ولسوالۍ د پوهنې د آمر له خوا په لاره اچول شوي وو، د يادې لېسې د ښوونکو او زده کوونکو سربېره ګڼ شمېر علماوو او مشرانو ګډون درلود.
د کلکان ولسوالۍ د پوهنې او د تعلیمي څارنې آمرینو د بابوش له ښوونځي څخه څارنه وکړه.
په دې کتنه کې د ښوونځي د درسي او اداري اسنادونو د ارزونې په ترڅ کې د کاناډا موسسې یو شمېر مرستې شوي کتابچې هم پر زده کوونکو ووېشل شوې.
نورستان
د واما ولسوالۍ د پوهنې آمر د دې ولسوالۍ د يو شمېر ښوونځيو اداري او تدريسي اسنادونه یې وڅېړل.
نوموړي په دې کاري سفر کې د شیخ عبدالعزیز نورستاني او د واما د نجونو له مدارسو څخه هم ليدنه وکړه.
