له ولایتونو څخه د پوهنې څو لنډ خبرونه
پکتیکا
د پکتیکا ولایت پوهنې ریاست کې د پوهنې رئیس الحاج مولوي عبدالقیوم فاروقي په مشرۍ، د نوي تشکیل د نهايي کېدو په مناسبت غونډه جوړه شوه.
د یاد ولایت پوهنې رئیس د غونډې له ګډون والو وغوښتل، چې په ټاکل شویو بستونو کې د کړنلارو او اصولو په نظر کې نیولو سره خپلې چارې په صادقانه توګه پرمخ یوسي.
هلمند
د هلمند ولایت پوهنې رئیس مولوي محمد عوض انصاري، د اکسفورډ ښوونیز مرکز د تدریسي او اداري چارو څخه څارنه وکړه او د ښوونیز وضعیت د لاښه والي په موخه یې، د یاد مرکز مسئولینو ته لازمې لارښوونې وکړې.
لغمان
د لغمان ولایت پوهنې رئیس مولوي شاه جهان ساجد، د یاد ولایت د دولت شاه ولسوالۍ اړوند د دولت شاه دیني مدرسې له اداري او تدریسي چارو څخه لیدنه وکړه.
همدا راز نوموړي د یادې مدرسې د زده کوونکو ښوونیزه کچه وارزوله او مسئولینو ته یې د پوهنې کیفیت د لاښه والي په اړه لازمې لارښوونې وکړې.
بغلان
د بغلان ولايت پوهنې رئيس الحاج مولوي محمد نورعزيزي، د یاد ریاست له آمرینو او مدېرانو سره د ليدنې په ترڅ کې، د ستونزو د حل او د کاري بهير د لاښه والي په باب تفصیلي خبرې وکړې.
