د څو ولایتونو د پوهنې خبرونو لنډيز
هلمند
د هلمند ولایت پوهنې رئیس الحاج مولوي محمد عوض انصاري، د ياد ولایت د پوهنتون له رئیس حافظ مولوي محمد نسیم سره وکتل او د دغه ولایت په ښوونيزو بنسټونو کې یې د درسي کیفیت د لوړولو په اړه بحث او خبرې وکړې.
بدخشان
دبدخشان ولايت پوهنې رياست اداري غونډه، د ياد ولايت پوهنې رئيس مولوي محراب الدين اقبال په مشرۍ ترسره شوه.
په ياده غونډه کې د پوهنې پخوانۍ کړنې وڅېړل شوې او شته ستونزو ته د حل لارې چارې ولټول شوې .
لغمان
د لغمان ولايت پوهنې رئيس مولوي شاه جهان ساجد، د ياد ولايت مرکز اړوند د بصرام ښوونځي بيارغونې چارې وڅېړلې او کارکوونکو سره يې د ليدنې پر مهال، له هغوی وغوښتل، تر څو ورځنۍ ښوونيزې چارې په لاښه توګه پر مخ يوسي او د نوي نسل د سالمې روزنې په برخه کې جدي هڅې وکړي.
پنجشېر
د پنجشېر ولايت د امر بالمعروف او نهى عن المنکر ادارې محتسبينو د ياد ولايت له پوهنې رئيس مفتي حبيب الله نوري قتاده سره وکتل او له هغو يې وغوښتل، تر څو د اسلامي شرعي احکامو په پلي کولو کې جدي هلې ځلې وکړي.
د پنجشېر پوهنې رئيس ډاډ ورکړ، چې په دې لاره کې به هېڅ ډول هڅې ونه سپموي.
سرپل
د سرپل ولايت پوهنې رئيس مولوي محمد رحماني، د يو مرستندويه بنسټ له پوهنې مسئولينو سره وکتل.
په ياده کتنه کې دواړو لورو د پوهنې په برخه کې د پوهنيزو کړنو پر دوام خبرې وکړې او د دوه اړخيزه همکارۍ ژمنه یې وکړه.
