د ولایتونو له پوهنې ډګره د ځینو خبرونو لنډیز

media-moe
Mon, Apr 08 2024 12:35 PM
13

غزني
د غزني ولایت پوهنې ریاست د افغانستان.ا.ا. له م.جاهدینو څخه د سویې د تثبیت په موخه آزموینه واخیستله.
په پام کې ده، چې د آزموینې بریالي کسان به د ښوونځيو په یوولسم او دولسمو ټولګیو کې شامل شي.

بیا هم له همدې ولایت څخه:
د غزني ولایت پوهنې ریاست د یاد ولایت د جغتو، خواجه عمري او قره باغ ولسوالیو د ښوونځیو او مدارسو د زده کوونکو ترمنځ د اسلام د ستر پیغمبر حضرت محمد «صلی الله علیه وسلم» د سیرت سیالۍ په لاره واچولې.
مسئولین وایي، چې د یادو سیالیو له ترسره کېدو یې اساسي موخه، د اسلام د ګران پیغمبر حضرت محمد (صلی الله علیه وسلم) له ژوند او اخلاقو سره د ځوانانو آشنا کول دي.

فراه
د فراه ولایت پوهنې ریاست د خصوصي دیني مدارسو د ښوونیز نصاب د ښه پلي کېدو په موخه، د یادو بنسټونو له مسئولینو سره غونډه وکړه. 
د یاد ولایت پوهنې رئیس الحاج مولوي اختر محمد زعیم د دیني علومو په ارزښت خبرې وکړې او د ټاکل شوي نصاب پر پلي کېدو یې ټینګار وکړ.

هلمند
د هلمند ولایت پوهنې ریاست د یاد ولایت د مدارسو او دارالحفاظونو له ۶۰ تنو مسئولینو اومهتممینو لپاره یو ورځنی ښوونیز سیمینار جوړ کړ.
په یاد سیمینار کې د پوهنې ریاست کارکوونکو ته د اداري او تدریسي مسایلو په اړه روزنه ورکړل شوه.

هرات
د حبيب يار خيريه بنسټ له لوري، د هرات ولايت د مرستيال والي او د پوهنې د مسئولينو په حضور کې د مرکز په شمول د انجيل او ګذرې ولسواليو د ښوونځيو په څه د پاسه ٩٠٠ تنو خدمتي کارکوونکو اوړه، وريجې، غوړي او خوراکي توکي ووېشل شول.
د هرات پوهنې رياست مشرتابه د ياد خيريه بنسټ له کړنو څخه ستاينه وکړه او د روژې په مبارکه مياشت کې يې د بې وزلو کسانو لاس نیوی ارزښتناک وباله.

Latest news

Wed, Aug 06 2025 12:53 PM
Background image

Visit of the Acting Minister of Education from a Darul Uloom in Kabul Province

Respected Alhaj Mawlawi Habibullah Agha, the Acting Minister of Education, accompanied by a number of officials, visited the Darul Uloom Hazrat Ali (Karam Allah Wajhah) in the. . .

Sat, Jul 26 2025 2:41 PM
Background image

Commendation of Top Kankor Students of 1404 by the Acting Minister of Education

A ceremony to honor and commend 10 outstanding students and top performers in the 1404 (solar year) Kankor exam was held in the conference hall of the Ministry of Education. The event. . .

Sun, Jul 13 2025 11:10 AM
Background image

Announcement of the Ministry of Education Regarding the Enrollment of Children of Repatriated Refugees into Educational Centers of the Country

In the Name of Allah, the Most Gracious, the Most Merciful
The Ministry of Education of the Islamic Emirate of Afghanistan, based on its religious, professional, and national. . .

BACK TO NEWS