د هېواد په ښوونیزو بنسټونو کې د مسلکي ښوونکو د کمښت په تړاو ځانګړې غونډه جوړه شوه
د پوهنې وزارت په ښوونځیو کې د مسلکي ښوونکو د کمښت د ستونزو په اړه د بحث غونډه، د یاد وزارت د مقام د دفتر لوی رئیس الحاج مولوي شهاب الدین ثاقب په مشرۍ جوړه شوه.
په یاده غونډه کې د پوهنې وزارت یو شمېر مرکزي رئیسانو، د بشري سرچینو او اداري پراختیا لوی ریاست مسئولینو او کارپوهانو حضور درلود.
غونډه د الهي کلام د څو مبارکو آیتونو په تلاوت سره پیل شوه؛ ورپسې د پوهنې وزارت د مقام د دفتر لوی رئیس په پوهنیز نظام کې د مسلکي ښوونکو شتون مهم وباله او د ښوونکو د تشکیلاتي ستونزو د حل په تړاو یې تفصیلي خبرې وکړې.
ورپسې د اړوند ادارو مسئولینو او کارپوهانو خبرې وکړې او په ښوونځیو کې یې د مسلکي ښوونکو د کمښت د ستونزې د حل لپاره یې لازمې لارې چارې ولټولې.
په پای کې له هر اړخیزې ارزونې او تفصیلي بحثونو وروسته د یادې موضوع په تړاو لازم تصمیمونه ونیول شول.
