د پوهنې وزارت لوړ پوړي پلاوي د فاریاب ولایت د ښوونکو له میتودیکي سیمینار څخه لیدنه وکړه
د پوهنې وزارت د ښوونيز نصاب او د ښوونکو د مسلکي پراختيا لوی رئیس الحاج مولوي اول ګل ایوبي په مشرۍ پلاوي فاریاب ولایت ته د رسمي سفر پرمهال، د یاد ولایت د پوهنې مشر تابه سره په کتنه کې د ښوونکو د کمښت، د ښوونځیو د ښوونکو د مسلکي کېدو او یو شمیر نورو اړوندو موضوعاتو په تړاو تفصيلي خبرې وکړې.
همدارنګه نوموړي په داسې حال کې چې د پوهنې مسئولینو يې ملتيا کوله "د ښوونکو د اغېزمن تدریس او د زده کړو پراختيا" تر نامه لاندې له ښوونيز سیمینار، د عربخانې تجربوي لېسې، مرکزي دارالاېتام او د یوې خصوصي لېسې د ښوونکو د تدریس له مېتودونو څخه لیدنه وکړه.
په دغو ليدنو کې پلاوي د مسئولینو او ښوونکو ستونزې او وړاندیزونه واورېدل او د حل په موخه یې د همکارۍ ژمنه وکړه.
د پوهنې وزارت د ښوونیز نصاب او د ښوونکو د مسلکي پراختيا لوی رئيس د زده کوونکو د کیفیت لوړولو په برخه کې د ښوونکو مسلکي وړتياوې لوړول مهم وبلل او له ګډون والو يې وغوښتل، تر څو د یاد سیمینار له محتوا څخه په خپلو تدریسي چارو کې ګټه پورته کړي.
