د هېواد له پوهنې سره د خلکو مالي ملاتړ دوام لري
بدخشان: د بدخشان ولایت مرکز اړوند د بتاش عالي لېسې مسئولینو، زده کوونکو، د شورا غړو او معارف دوسته خلکو د یادې لېسې د ترمیم، د څښاک پاکو اوبو سیسټم د فعالولو او نورو اړتیاوو په برخه کې د ۴۴۵ زره افغانیو په اندازه مرسته وکړه. کاپیسا: د کاپيسا ولايت په محمود راقي ښار کې د محمد عمر شهيد عالي لېسې مسئولينو او د یاد ولايت د پوهنې رياست چارواکو د همدغه لېسې د څښاک پاکو اوبو رسولو سيسټم د جوړېدو او فعالولو په موخه، د ۷۵ زره افغانيو په ارزښت مرسته وکړه. د پوهنې وزارت رهبري د پوهنې په برخه کې د کاپیسا ولایت د علمي شخصیتونو له مرستو مننه کوي.
