بدخشان ولايت کې نږدې د نيم مېليون افغانيو په لګښت د يو باب ښوونځي ودانۍ ترميم شوه
د بدخشان ولایت وردوج ولسوالۍ اړوند د واثق شهید عالي لېسې ودانۍ د پوهنې وزارت له بودیجې څخه د ۴۵۵زره ۶۴۸ افغانیو په لګښت ترمیم او ګټې اخیستنې ته وسپارل شوه. د یاد ولایت د پوهنې مسئولینو په وینا، دغه ښوونځی ۱۶ درسي او ۸ اداري خونې لري، چې د پوهنې وزارت له بودیجې څخه یې د بیارغونې چارې پای ته ورسېدې او زده کوونکو لپاره یې د زده کړو خوندي چاپېریال برابر شو. د يادونې وړ ده، چې د سيمې خلکو د دغه ښوونځي له بيارغونې خوښي څرګنده او د پوهنې له وزارت څخه يې د هېواد بچیانو د زده کړې لپاره د مناسب چاپېريال د برابرولو له امله مننه وکړه.
