د پوهنې وزارت د دعوت او ارشاد ریاست د کړنو "اوونیز راپور"
د دعوت او ارشاد ریاست له هدایت سره سم؛ تېره اوونۍ مولوي محمد عمیر د کابل ولایت له پوهنې رئیس او مسئولینو سره وکتل او په تعلیمي مرکزونو کې یې پر یو لړ مهمو اصلاحي موضوعاتو تفصیلي خبرې وکړې.
تېره اوونۍ د پوهنې وزارت د مرکزي هستې ټولو کارکونکو ته د دیني درسونو لړۍ دوام درلود او د یادې اوونۍ په درشل کې د مولوي بسم الله احسان لخوا ټولو منسوبینو او کارکوونکو ته اصلاحي وینا ترسره شوه.
همدارنګه نوموړي د پوهنې وزارت له ټولو منسوبینو څخه وغوښتل، تر څو خپلو مسئولیتونو او دندو ته په جدي ډول متوجې واوسي او د مراجعینو کارونه پرته له ځنډ څخه په ټاکلي وخت سرته ورسوي.
په ورته مهال د دعوت او ارشاد ریاست مسئولینو د یو شمېر ولایتونو له پوهنې رئیسانو سره په ټلیفوني خبرو کې له هغوی وغوښتل، تر څو په ټولو تعلیمي بنسټونو کې د دعوت او ارشاد ورځنۍ چارې لاپسې ګړندۍ کړي.
دغه راز له ولایتونو څخه را رسېدلي راپورونه ښیي چې؛ د دعوت او ارشاد ریاست د پلان او کړنلارې له مخې د پوهنې ټولو کارکوونکو ته د دیني درسونو لړۍ په نورمال ډول روانه وه.
