د پوهنې وزارت د مقام د دفتر لوی رئیس جوزجان ولایت ته سفر وکړ
د پوهنې وزارت د مقام د دفتر لوی رئیس الحاج مولوي شهاب الدین ثاقب په مشرۍ یو پلاوي جوزجان ولایت ته د رسمي سفر په ترڅ کې، د یاد ولایت له پوهنې رئیس الحاج مولوي سید حفیظ الله معتصم بالله او مسئولینو سره د لیدنې پر مهال، د ديني مدارسو د ثانویه او مافوق ثانویه مرحلو د هغو آزموينو له بهير څخه لیدنه وکړه، کوم چې د شنبې په ورځ، رجب المرجب مياشتې په لسمه نېټه په ټول هېواد کې پيل شوې.
نوموړي په جوزجان ولايت کې د پوهنې وزارت لوړپوړو څارونکو ته لازمې لارښوونې وکړې او له ګډون والو یې وغوښتل چې په بشپړ ډول سره د آزموینې نظم او ډسپلین په پام کې ونیسي.
له بلې خوا د جوزجان پوهنې مسئولينو هم ياد ولايت ته د مقام د دفتر لوی رئیس سفر یو نېک اقدام وباله او په دغه ولايت کې يې د پوهنې وزارت د پلانونو او پروګرامونو په پلي کولو کې د خپل ملاتړ ډاډ ورکړ.
