پکتیکا ولایت کې د څه باندې ۴۶۰ زره افغانیو په لګښت د یو شمېر ښوونځیو لپاره لابراتوار خونې جوړې شوې
د پکتیکا ولایت د زیړوک، اومنه ارګون او یوسف خېل ولسوالیو څلورو لېسو لپاره د پوهنې له بودیجې څخه د ۴۶۶ زره ۴۹۵ افغانیو په لګښت مجهزې لابراتوار خونې جوړې او ګټې اخیستنې ته وسپارل شوې.
د یاد ولايت پوهنې رئيس مولوي عبدالوکيل خالد د معلوماتو له مخې، د همدغو ښوونځيو لپاره د يادو لابراتوارونو پر جوړولو سربېره د دغه ولايت په ٣٠ بابه ښوونځيو کې ٣٠ درسي کڅوړې، پنځه کمپيوټرونه او يو پروجکټور هم وېشل شوي دي.
د دغو ښوونځيو ښوونکو او زده کوونکو د ښوونیز نظام بډاینې په برخه کې د پوهنې وزارت له هڅو خوښي څرګنده کړه.
