غزني ولایت کې یو باب ښوونځي لپاره د سپورټ لوبغالی جوړ شو
د غزني ولایت قره باغ ولسوالۍ اړوند قلوچ عالي لېسې لپاره د ۲۰۰ زره افغانیو په لګښت د فوټبال لوبغالی، پوهنې چارواکو او ځایي اوسېدونکو په حضور کې پرانیستل شو.
د سپورټ دغه لوبغالی، چې یوه میاشت وړاندې یې چارې د ځینو خیریه اشخاصو او سپورټ مینه والو په همکارۍ پیل شوې وې، اوسمهال بشپړې او ګټې اخیستنې ته وسپارل شو.
د سپورټ یاد میدان په داسې ډول ډیزاین شوی چې د ښوونځي زدهکوونکي، ځوانان او د سیمې اوسېدونکي دواړه ترې ګټه پورته کولی شي.
د قرهباغ ولسوالۍ پوهنې چارواکو په وینا، دغه اقدام د ځوانانو روغتیا ته د اوسېدونکو د پاملرنې او د هېواد په بېلابېلو سیمو کې د تعلیمي او سپورټي زیربناوو په پراختیا کې د خلکو د همکارۍ یوه څرګنده نښه ده.
