د پوهنې وزارت مالي او اداري محترم معین غزني ولایت ته لاړ
د پوهنې وزارت د مالي او اداري معین محترم الحاج مولوي صبغتالله وصیل په مشرۍ یو لوړ پوړي پلاوي غزني ولایت ته رسمي سفر وکړ او هلته یې د یاد ولایت له پوهنې رئیس محترم الحاج مولوي میر نصیر احمد حسیني او د پروګرامونو له چارواکو سره د پوهنیزو مهمو مسایلو په تړاو تفصیلي خبرې وکړې.
په یاده غونډه کې، د غزني ولایت پوهنې رئیس د ښوونیز وضعیت، اوسنیو پروګرامونو او شته ستونزو په اړه مفصل معلومات پلاوي ته وړاندې کړل.
په ورته مهال، د پوهنې وزارت مالي او اداري محترم معین د راپورونو له اورېدو وروسته، د غزني پوهنې ریاست کړنې او فعالیتونه مثبت وارزول او د هغوی هڅې یې وستایلې.
په دې غونډه کې د ښوونځیو د ودانیو کمښت، د تدریسي موادو وېش، د ښوونکو د منظم حضور، مدیریت او د زدهکړې کیفیت لاښهوالي په اړه هر اړخیزې خبرې ترسره او په پای کې د وزارت محترم مشرتابه ژمنه وکړه، چې د ستونزو په حل کې به همکاري وکړي.
