د لوګر ولایت اوسېدونکو له یوې ليسې سره ۳۰۰ زره افغانۍ مرسته وکړه
د لوګر ولایت محمدآغې ولسوالۍ د زاهدآباد کلي اوسېدونکو د همدې ولسوالۍ له محمدجانخان لېسې سره ۳۰۰ زره افغانۍ نغدي مرسته وکړه.
یاده مرسته د سیمې د خیرخواه او علمپالو وګړو لهخوا په رضاکارانه توګه راټوله او د لېسې ادارې ته سپارل شوې ده.
ټاکل شوې چې دا پیسې د لېسې د ودانۍ ترمیم، احاطوي دېوال او د انګړ د دروازې جوړولو او یو شمېر نورو اړتیاوو په برخه کې ولګول شي.
د یادونې وړ ده، چې یوه ورځ وړاندې هم د محمدجان خان د کورنۍ غړو له دغې لېسې سره ۲۰۰ زره افغانۍ مرسته کړې وه.
