د پکتیکا ولایت په یو باب ښوونځي کې د لمریزې برېښنا سیسټم فعال شو
د یوې همکارې ادارې په ملاتړ، د پکتیکا ولایت سروضې ولسوالۍ اړوند سلطانو لېسې لپاره، د څه کم ۲ مېلیونه افغانیو په ارزښت د لمریزې برېښنا سیسټم نصب او فعال شو.
د یاد ولایت پوهنې رئیس محترم مولوي عبدالوکیل خالد په دې اړه وویل: د یادې لېسې لپاره د برېښنا سیسټم په نصب او فعالېدو سره، د زدهکوونکو لپاره د کمپیوټر زدهکړې او لابراتواري درسونو زمینه لا ښه برابره شوې ده.
همدارنګه، د دې لېسې د مسئولینو او ښوونکو لپاره د ټکنالوژۍ په کارولو سره په اداري چارو کې لازمې اسانتیاوې رامنځته شوې دي، چې دا چاره له ځانګړي اهمیت او حیاتي ارزښت څخه برخمنه ده.
