په ټول هېواد کې نوی ښوونیز کال په رسمي ډول پیل وشو
د ولایتونو د پوهنې ریاستونو څخه د ترلاسه شوو راپورونو له مخې، نوی تعلیمي کال د هېواد په سړو سیمو او ولایتونو کې د ځانګړو مراسمو په ترڅ کې د پوهنې مسئولینو، د ا/سلامي ا/مارت د ولایتي ادارو د چارواکو، علماءکرامو، استادانو، ښوونکو، د ښوونځیو زدهکوونکو او متدینو کسانو په حضور کې په رسمي ډول پیل شو.
په یادو مراسمو کې د پوهنې رئیسانو، د سیمهییزو ادارو مسئولینو، علماوو او د زدهکوونکو د والدینو استازو په خپل وار سره د علم د زدهکړې د ارزښت او اهمیت په اړه خبرې وکړې او له خلکو یې وغوښتل چې د نوي تعلیمي کال له پیل سره سم خپل اولادونه مدارسو او ښوونځيو ته واستوي.
