په غور ولایت کې د ښوونکو او ښوونیزو شوراګانو غړو ته روزنیزه برنامه جوړه شوه
په تېرو دوو اوونیو کې د غور ولایت مرکز فیروزکوه ښار د ۱۸ بابه ښوونځیو ۱۸۰ تنو ښوونکو او د ښوونیزو شوراګانو غړو ته «اغېزمنې ښوونې او زدهکړې ترویج» تر سرلیک لاندې د وړتیا لوړونې روزنیزه برنامه ترسره شوه.
د دغه پروګرام موخه د ښوونکو د مسلکي پوهې او وړتیاوو لوړول، په ښوونځیو کې د ښوونې او زدهکړې بهیر ښه والی او د پوهنې د چارو په پرمخبېولو کې د ښوونیزو شوراګانو د ونډې زیاتول وو.
ګډونوالو د تدریس له نویو طریقو، د ټولګي د اغېزمن مدیریت له لارو چارو، د ښوونځي او ټولنې ترمنځ د همغږۍ پیاوړتیا، د ښوونیزو شوراګانو له رول څخه د زدهکړې کیفیت په ښه والي او یو شمېر نورو اړوندو موضوعاتو کې بلدتیا ترلاسه کړه.
