د پکتیا ولایت په مرکز او ولسوالیو کې د ۴۷ میلیونه افغانیو په ارزښت د درسي او اداري توکو وېش لړۍ بشپړه شوه
د پکتیا ولایت پوهنې ریاست ته د یوې همکارې ادارې له لوري د څه باندې ۴۷ میلیونه افغانیو په ارزښت د درسي او اداري توکو وېش بهیر د مرکز ګردېز او ۱۴ ولسوالیو لپاره بشپړ شو.
په یاده توکو کې د ۵۶۶۷ تنو زدهکوونکو لپاره قرطاسیه، د ۳۲۵۲ تنو ښوونکو لپاره ښوونیز کیټونه، ۳۳۶ اداري کیټونه او ۴۸ زره ۳۸۴ کلچې صابونونه شامل دي، چې د چمتو شوي پلان له مخې به۳۳۶ بابه ښوونځیو ته ووېشل شي.
د پکتیا پوهنې رئیس الحاج مولوي عبدالقیوم فاروقي، د یادې همکارې ادارې له مرستو مننه وکړه او ویې ویل:« د دغو مرستو په وېش سره به په ښوونځیو کې د درسي توکو د کمښت شاوخوا ۸۰ سلنه ستونزه هواره او د زدهکړو د کیفیت په لوړولو کې به مهم رول ولوبوي».
