بغلان ولایت کې د ۸۰ مېلیونه افغانیو په لګښت د ۲۰ بابه ښوونځیو ودانۍ بیاورغول شوې
د بغلان ولایت پوهنې رئیس محترم الحاج مولوي سید حفیظ الله معتصم بالله، په یاد ولایت کې د ۲۰ بابه ښوونځیو د بیارغونې چارې له بشپړېدو وروسته پرانیستې.
په دغو ودانیو ټولټال ۸۰ مېلیونه افغانۍ لګښت راغلی، چې د یوې همکارې ادارې له مالي مرستې څخه تمویل شوې او په پایله کې یې د سلګونو تنو زدهکوونکو لپاره خوندي او مناسب تعلیمي چاپېریال برابر شوی دی.
د بغلان پوهنې رئیس د نهرین ولسوالۍ د ۱۰ بابه ښوونځیو د پرانیستلو په مراسمو کې د یادې مرسته کوونکې ادارې له ملاتړ څخه مننه وکړه او د ښوونځیو له کارکوونکو، په ځانګړې توګه له زدهکوونکو څخه یې وغوښتل چې د ښوونځیو د ودانیو او تجهیزاتو ساتنې او پالنې ته جدي پام وکړئ.
