د آزموینو ملي ادارې رئیس د بلخ ولایت د پوهنې له مسئولینو سره وکتل
د آزموینو ملي ادارې رئیس شیخ عبدالباقي حقاني د بلخ ولایت د پوهنې ریاست له مشرتابه، شیخو او علماوو سره وکتل.
په پیل کې د بلخ ولایت پوهنې رئیس الحاج مولوي عبدالجلیل شهید خېل یاد ولایت ته د آزموینو ملي ادارې د رئیس له ورتګ هرکلی وکړ او د همدې ادارې د کړنو، په ځانګړي ډول د کانکو آزموینې د پروسې پلې کولو برخه کې یې د دغې ادارې د همکارۍ ستاینه وکړه.
ورپسې د آزموينو ملي ادارې رئيس د بلخ ولايت د پوهنیز وضعيت په اړه خبرې وکړې او د یاد ولايت د پوهنې مسئولينو او علماوو نظرونه يې واورېدل.
په دې کتنه کې د دیني علومو زده کړې ته د پاملرنې ترڅنګ، د عصري علومو د زده کړې پر اړتیا هم ټینګار وشو.
ورپسې شیخ عبدالقادر ابوالاسرار د یاد ولایت د علماوو په استازیتوب خبرې وکړې او له پوهنیزنظام څخه یې خپل ملاتړ څرګند کړ.
غونډه د دعائیې په لوستلو سره پای ته ورسېده.
