د افغانستان.ا.ا. پوهنې محترم وزیر د کابل ښار دیني مدارسو د ثانويه او مافوق ثانویه مرحلو د مشترکو ازموینو ګډونوالو ته په خطاب کې:
"د دیني او عصري زدهکړو پیاوړتیا د پوهنې وزارت له لومړیتوبونو څخه ده"
د افغانستان.ا.ا. د پوهنې وزیر محترم الحاج مولوي حبیب الله آغا، د مرکزي ریاستونو د مسئولینو په ملتیا، د کابل ښار شپاړسګونو ښوونیزو ناحیو د مدارسو د ثانویه او مافوق ثانویه مرحلو مشترکو ازموینو څخه د څارنې او ارزونې په موخه، حبیبیې لېسې ته لاړ او هلته یې د ازموینو پروسه له نږدې وڅارله.
نوموړي د کابل ښار دیني مدارسو د ثانويه او مافوق ثانویه ازموینو څخه د لیدنې پرمهال، د ازموینې د ترتیب اصول په دقیق او علمي ډول وارزول او د چارواکو له هڅو څخه یې د ستاینې ترڅنګ، په ازموینه کې د روڼتیا او تعادل په اړه اړینې لارښوونې وکړې او ټینګار یې وکړ چې، د دیني او عصري زدهکړو پیاوړتیا د پوهنې وزارت له لومړیتوبونو څخه ده.
د یادونې وړ ده چې د پوهنې محترم وزیر پورته ذکر شوې لېسې ته د داخلېدلو پرمهال، د مسئولینو او ښوونکو له تود هرکلي سره مخامخ شو.
