د جوزجان ولایت د ښوونځیو مسئولینو وړتیا لوړولو لپاره سیمینار جوړ شو
د جوزجان ولایت پوهنې ریاست د ملاتړو ادارو په همکارۍ، د مرکز او ولسوالیو د مسئولینو، ښوونکو او د ښوونځیو د شوراګانو د غړو مسلکي وړتیاوو لوړولو په موخه شپږ ورځنی سیمینار پیل کړ.
د جوزجان ولایت پوهنې رئیس محترم الحاج مولوي لعل جان راشد وویل چې؛ په دې روزنیز پروګرام کې ۱۴۳ تنه آمرین، مدیران، سرښوونکي، ۶۰۰ تنه ښوونکي او د یاد ولایت د مرکز او ولسوالیو د ښوونځیو شوراګانو ۵۰۰ تنه غړي شامل دي.
د نوموړي په وینا، د دې سیمینار جوړولو موخه د تعلیمي چارواکو د مسلکي پوهې کچې لوړول او د هغوی د تدریسي بهیر ښه کول دي.
د پوهنې رئیس ټینګار وکړ چې د هېواد په تعلیمي مرکزونو کې د ښوونیز او روزنیز کیفیت لا لوړول، د پوهنې وزارت د پروګرامونو یوه برخه ده.
