د لغمان ولایت په ۳۰ بابه ښوونځیو کې د څه باندې یو مېلیون افغانیو په لګښت د لمریزې برېښنا سیسټمونه فعال شول
د یو همکار بنسټ په مالي ملاتړ، د لغمان ولایت په ۳۰ بابه ښوونځیو کې د یو مېلیون افغانیو په لګښت د لمریزې برېښنا شبکې فعالې شوې او د یوې رسمي غونډې په ترڅ کې، چې د یاد ولایت پوهنې مسؤلینو هم پکې ګډون درلود، ګټې اخیستنې ته وسپارل شوې.
د یاد ولایت پوهنې رئیس محترم مولوي شاه جهان ساجد وویل چې د برېښنا سیسټمونه د تعلیمي بنسټونو د پرمختګ لپاره حیاتي ارزښت لري؛ ځکه د برېښنا په شتون کې ښوونځي په انټرنېټ، ډیجیټلي اسانتیاوو او لابراتوارونو سمبال او فعالېږي.
