د لوګر ولایت له ښوونځیو سره څه د پاسه ۲۰۰ زره ډالرو په لګښت درسي توکو مرسته وشوه
د یوې همکارې ادارې لخوا د لوګر ولایت پوهنې ریاست سره د درسي توکو ۲۲۴۶ کڅوړو مرسته وشوه، چې لګښت یې ټولټال۲۴۵زره امریکایي ډالر اټکل شوی دی.
دا کڅوړې، چې هره یوه یې ۱۰ قلمه درسي توکي لري، د ۲۰ تنو زده کونکو لپاره د کارونې پر اساس چمتو او ټاکل شوې ده، چې د لوګر ولایت پوهنې ریاست لخوا د نوي تعلیمي کال له پیل سره سم د یاد ولایت د ۲۸۷ بابه ښوونځیو پر شاوخوا ۴۴۹۲۰ تنو زده کونکو ووېشل شي.
د لوګر ولایت پوهنې رئیس الحاج عبدالرحمن حمیدي د یادو درسي موادو مرسته د زده کونکو د تعلیمي بهیر لاپیاوړتیا لپاره اغېزمنه وګڼله او دې دا ډول مرستو پر دوام یې ټینګار وکړ.
د پوهنې وزارت مشرتابه د ټولو همکارو ادارو له مادي او معنوي مرستو څخه مننه او قدرداني کوي.
