د مشه خيلو د هلکانو ليسې نوې ودانۍ ګټې اخيستنې ته وسپارل شوه!

media-moe
سه‌شنبه ۱۳۹۹/۴/۱۰ - ۱۵:۵۸
د مشه خيلو د هلکانو ليسې نوې ودانۍ ګټې اخيستنې ته وسپارل شوه!

د پوهنې وزارت لغمان: د قرغيو د پوهنې آمريت اړوند د مشه خيلو د هلکانو ليسې ودانۍ ګټې اخيستنې ته وسپارل شوه ، په پيل کې د لغمان د پوهنې ریيس عبدالله (حميدي) د لغمان قدرمن والي محمد اصف (ننګ) د ولايتي شورا ریيس ښاغلي عتيق الله (عبدالرحيمزي) قومي مشرانو ته د دې پروژې په هکله وويل: د مشه خيلو د هلکانو ليسه اته صنفي ودانۍ د پوهنې جليله وزارت د (۹۳۷۱۵۰۷) افغانيو غير مشروطه بوديجې په مټ منظور او د رغونې عملي چارې يې په ١٣٩٨\٦\٦ پيل او داده نن يې ودانيزې چارې بشپړ شوې.

نوموړې ودانۍ پينځه تشنابونه، (۱۶۰) ميزونه او چوکۍ او يوه حلقه د څښاک اوبو څاه چې ژوروالی يې (۶۰) مترو ته رسيږي شامل دي.

وروسته د لغمان د ولايتي شورا ریيس ښاغلي عتيق الله (عبدالرحيمزي) خبرې وکړې د ولايتي ادارې، د پوهنې رياست د هلوځلو قدرداني وکړه او د پوهنې وزارت له مرستې يې مننه وکړه ترڅنګ يې د ياد ښوونځي لپاره د احاطې ديوال وړانديز هم وکړ چې د والي صيب او د پوهنې د ریيس له لورې د رغولو لپاره د هڅو ډاډ ورکړل شو.

همدا ډول د سيمې مخورو د ولايتي ادارې او د پوهنې رياست څخه مننه وکړه چې د دوی د بچيو د ښې راتلونکي لپاره د ښوونځي ودانۍ ورغوله او دوې يې د ساتنې ژمنه وکړه.

ورپسې د لغمان محترم والي محمد اصف ننګ د سيمې اوسيدونکو ته د دې ودانۍ مبارکي ورکړه د احاطې سربيره يې د کمپیوټرلب د جوړيدو لپاره د خپلو هڅو او کوښښونو ژمنه وکړه او د سيمې خلک يې د ښوونځي ساتنې ته ځير کړل او له دوې يي د ښوونځي د ساتنې او پالنې ژمنه واخيسته.

د پای شېبو کې ياد تعمير د پټۍ په پريکولو ګټې اخيستنې ته وسپارل شو.

تازه خبرونه

پنجشنبه ۱۳۹۹/۴/۱۲ - ۱۷:۱۰
Background image

د پوهنې وزارت سره د یونسکو همکارۍ دوام لري

د پوهنې وزارت_کابل: د پوهنې وزارت سرپرستې آغلی رنګینې حمیدي د یونسکو مسوول ښاغلی جورډن نایډو سره نن پنجشنبه د چنګاښ ۱۲مه په خپل کاري دفتر کې ولیدل.

ښاغلی نایډو د پوهنې وزارت د نوي مشري. . .

چهارشنبه ۱۳۹۹/۴/۱۱ - ۱۷:۱۸
Background image

ملي او محلي ملاتړ د ښوونې او روزنې د سیستم د پیاوړتیا لپاره مؤثره دی

د پوهنې وزارت_کابل: د پوهنې وزارت سرپرستې وزیرې آغلې رنګینې حمیدي نن د چهارشنبي په ورځ، د سرطان په ۱۱مه نیټه د ویډیو کنفرانس له لارې د هرات، خوست، جوزجان او سرپل ولایتونو د پوهنې. . .

سه‌شنبه ۱۳۹۹/۴/۱۰ - ۱۹:۳۶
Background image

پوهنې وزارت د سوداګرو او ملي پانګوالو د همکارۍ هرکلی کوي

پوهنې وزارت_کابل: د پوهنې وزارت سرپرستې وزيرې آغلې رنګينې حميدي د افغان جرمن د سوداګريز اتاق مسوول او د اقتصادي شورا غړي ښاغلي جلال الدين سعيد سره ولیدل.

ښاغلي سعيد د پوهنې وزارت سره د. . .

BACK TO NEWS