د هلمند ولایت د دیني مدارسو ۳۶ تنو مدیرانو لپاره د اداري اسنادو لارښود سیمینار جوړ شو
د هلمند ولایت د پوهنې ریاست کارکوونکو مدیریت له خوا، د یاد ولایت د دیني مدارسو ۳۶ تنو مدیرانو او مهتممینو لپاره "د دیني مدارسو د مدیرانو او مامورینو لپاره د ځانګړو اداري مکاتیبو لارښود" تر سرلیک لاندې یو ورځنی سیمینار ترسره شو.
په یاد پروګرام کې به ګډونوالو ته د اداري اسنادو او مکاتیبو ډولونه، فورمې، جوړښت او د مکاتیبو لیکلو طریقې په څېر موضوعات تدریس شي.
د پوهنې ولایتي چارواکو د دې پروګرام هرکلی وکړ او په تعلیمي چارو کې پرمختګ یې د ټولنې د زیربناوو د پراختیا او ودې لپاره مهم او ارزښتناک وباله.
د یادونې وړ ده چې همدغه پروګرام د ګډونوالو لخوا تود هرکلي سره مخامخ شو او تمه کېږي چې په نږدې راتلونکي کې به د یاد ولایت د تعلیمي څانګو په نورو ادارو کې هم ورته سیمینارونه ترسره شي.
