د ولایتونو له پوهنې ډګره څو لنډ خبرونه
بدخشان
د پوهنې وزارت د پلټنې پلاوی د يو رسمي سفر په ترڅ کې بدخشان ولايت ته ولاړ او د یاد ولايت د پوهنې رياست له مشرتابه سره يې د لیدنې پرمهال، د خپلو اړوندو پلانونو د پلي کېدو په برخه کې د همکارۍ غوښتنه وکړه.
ټاکل شوې ده، چې دغه پلاوی به دې خپلو۵۰ کاري ورځو په درشل کې، د فیض آباد ښار د ښوونځیو په ګډون یو شمېر ولسوالیو ته هم سفرونه وکړي، د پوهنې ریاست او ښوونځیو ښوونیزې کړنې به له نېږدې وڅېړي.
نورستان
د نورستان ولایت برګمټال ولسوالۍ اړوند د م. جاهدینو د یو کنډک لپاره د سواد زده کړې یو باب ټولګی جوړ شو.
پکتیا
په پکتیا پوهنتون کې د کتابونو څلور ورځنی نندارتون جوړ شو.
د یاد ولايت پوهنې رئيس الحاج مولوي عبدالقيوم فاروقي وويل، چې له دغه نندارتون څخه یې اساسي موخه، په ټولنه کې د لوستلو او مطالعې فرهنګ ته وده ورکول دي.
جوزجان
د جوزجان ولایت پوهنې رئیس مولوي محمد طاهر جواد وايي: د ځوانانو د پوهاوي د کچې د لوړولو په موخه یې، د یاد ولایت د ښوونځيو د ۴۰۰ تنو زده کوونکو ترمنځ د «ا.مارت پېژندنې»سیالي په لاره اچولې ده.
بدخشان
د بدخشان ولايت د شهداء ولسوالۍ پوهنې آمریت، هغه درسي توکي ووېشل، کوم چې د يو همکار بنسټ له خوا د ايونیک ليسې زده کوونکو ته ځانګړې شوي وو.
په دغو بستو کې د زده کوونکو لپاره درسي کتابونه، کتابچې، قلمونه او نور اړین ښوونیز توکي شامل دي.
