د پوهنې له ډګره د نن ورځې خبرونو لنډيز
۱- د پوهنې وزارت د نصاب او مسلکي پراختیا د لوی رئیس الحاج مولوي اولګل ایوبي په مشرۍ یوه لوړپوړي پلاوي سرپل ولایت ته سفر وکړ او هلته یې د پوهنې ریاست له چارواکو، د ښوونکو د مسلکي پراختیا برخې غړو او د ساینس مرکز له مسوولینو سره د یاد ولایت د ښوونیزو چارو په اړه غونډه وکړه.
۲- د هلمند ولایت له ۲ بابه ښوونځیو سره د سیمهییزعلمپرور شخصیت وکیل محمد خان له لوري ټولټال د ۱۸۱ قلمه لابراتواري توکو مرسته وشوه.
۳- د زابل ولایت ارغنداب ولسوالۍ اړوند سلیمانزائي لومړني ښوونځي لپاره د پنځو نویو درسي ټولګیو جوړولو بنسټ ډبره، د سیمې د خلکو له لوري پر وقف شوې درې جریبه ځمکه کې د ۵۰۰ زره افغانیو په لګښت کېښودل شوه.
۴- د لوګر ولایت ازرې ولسوالۍ اړوند د مرکزي، منګلها، رضاخېلها او چوترې لېسو لپاره د کمپیوټر د عملي زدهکړو په عصري وسایلو سمبال ټولګي، د یاد ولایت د پوهنې رئیس الحاج مولوي ګلولي متقي په حضور کې پرانیستل شول.
۵-د زابل ولایت شملزو ولسوالۍ د مدارسو او ښوونځیو۴۱ تنو مدرسینو او ښوونکو ته د مسلکي پراختیا په موخه یو ورځنۍ روزنیزې برنامې ترسره شوې.
