د پوهنې وزارت خبرتیا
د دولتي او خصوصي موسسو د (عمومي زده کړو، اسلامي زده کړو، سواد زده کړو او ښوونکي روزنې) پروګرامونو له ټولو ښوونکو څخه غوښتنه کیږي چې د پوهنې او خپلې کورنۍ د ساتنې او سلامتي او د تجمعاتو څخه د مخنیوي په موخه د ۱۳۹۹ کال د وري ماشتې د ۳۰ نیټې پورې په کاري چاپیریال کې له حضور څخه ډډه وکړي.
په پوهنې کې د (کرونا ویروس د خپریدو مخنیوي) کمسیون فیصلې په اساس د یادو پروګرمونو د ښوونکو حاضري په برخه کې د اړوندو آمرانو له لوري اجراآت ترسره کیږي.
د زده کوونکو او ښوونیز چاپیریال سره د ښوونکو اړیکو میکانیزم د ټاکلي کمسیون له لوري د ټاکل شوې دورې له پای ته رسیدو وروسته جوړ، تعریف او ښوونکو ته ورسول شي.
