د پوهنې وزارت د دارالحفاظونو او مدارسو لوی رئیس، د لوګر ولايت ديني زده کړو بنسټونو څخه لیدنه وکړه.
د پوهنې وزارت د دارالحفاظونو او مدارسو لوی رئیس مولوي عبدالرزاق صدیق، لوګر ولایت ته د یوه کاري سفر په ترڅ کې د یاد ولایت د دیني مدارسو وضعیت وڅېړه.
نوموړي د ياد ولایت پوهنې رئیس، مسئولینو، مشرانو او یو شمېر علماوو سره د یوې ناستې په ترڅ کې، دیني مدارسو لپاره د پوهنې وزارت د پلانونو او تګلارو په اړه معلومات ورکړل او د هېواد بچيانو لپاره یې د لا زیاتو زده کړو دآسانتیاوو په برابرولو ټینګار وکړ.
په دې کتنه کې نوموړي، په مدارسو کې د تشو بستونو د ډکولو او ګمارنې په اړه د وضاحت په ترڅ کې، د يادې ادارې له مشرتابه وغوښتل، چې ياده پروسه په شفافه او چټکه توګه پلې کړي.
دلوګر ولايت پوهنې رئيس مولوي جنت ګل عزيز ورغلي پلاوي ته ښه راغلاست ووايه او د يادو پروګرامونو په تطبيق کې يې د همکارۍ ژمنه وکړه.
