د پوهنې وزارت د دعوت او ارشاد ریاست پلاوي د لغمان ولایت له پوهنې رئیس سره وکتل
د مولوي محمد نعیم عمیر په مشرۍ د پوهنې وزارت د دعوت او ارشاد ریاست پلاوی د یو لړ رسمي چارو ترسره کولو په موخه لغمان ولایت ته ولاړ او د یاد ولایت له پوهنې رئیس مولوي شاه جهان ساجد او د پوهنې له مسئولینو سره یې وکتل.
په پیل کې یاد پلاوي د خپل سفر اساسي موخې بیان کړې او ورپسې یې د لغمان ولایت د مدارسو او ښوونځیو د تعلیمي وضعیت په اړه نظرونه تبادله کړل.
له بلې خوا د پوهنې رياست مسئولينو ياد ولايت ته د ورغلي پلاوي له سفر څخه د هرکلي ترڅنګ، د دعوت او ارشاد ریاست د پلانونو د پلي کېدو ډاډ ورکړ.
