د پوهنې وزارت د دعوت او ارشاد محترم رئیس د ارزګان ولایت له پوهنې چارواکو سره وکتل
د پوهنې وزارت د دعوت او ارشاد محترم رئیس الحاج مولوي جمعه خان سروري ارزګان ولایت ته د خپل رسمي سفر په ترڅ کې، د تعلیمي مرکزونو او د پوهنې ریاست د بېلابېلو څانګو له رهبرۍ او کارکوونکو سره وکتل.
لومړی د ارزګان پوهنې ریاست د ښوونې - روزنې او عمومي زده کړو آمر د پلاوي له سفر ستاینه وکړه او په خپله وینا کې یې وویل:( د اسلامي.ا. او پوهنې وزارت له لوري د تعلیمي وضعیت لاښه والي په برخه کې کوم احکام چې صادر شوي، باید په بشپړ ډول پلي شي.
ورپسې د پوهنې وزارت د دعوت او ارشاد محترم رئیس په خپله وینا کې وویل چې د افغانستان.ا.ا. عالقیدر مشرتابه احکام باید د مدارسو او ښوونځیو کارکوونکو ته د درس په توګه تدریس شي، ترڅو هرڅوک ترې خبر او دیني پوهه یې پیاوړې شي.
د یادونې وړ ده، چې دغه پلاوي نن د ګیزاب ولسوالۍ څخه هم لیدنه وکړه او ټاکل شوې چې د یاد ولایت د ګیزاب ولسوالۍ د پوهنې آمریت سربېره د مدارسو او ښوونځیو له مسئولینو سره هم غونډه وکړي.
