د پوهنې وزارت د علمي شورا رییس پوهاند عبدالباقي امین د شهادت په اړوند د پوهنې وزارت سرپرستې آغلې رنګینې حمیدي د خواشینۍ پیغام
په ډیره خواشینۍ سره مو خبر ترلاسه کړ چې نن سهار د ۸:۳۰ بجو په شاوخوا کې د پوهنې وزارت د علمي شورا رییس ډاکټر عبدالباقي امین، د هغه په موټر کې د ځای پر ځای شوي مقناطیسي ماین د چاودنې په پایله کې شهید او د هغه موټر چلونکی ګلبدین خان ټپي شوی.
د پوهنې د کورنۍ په استازیتوب دغه غمجنه پیښه په کلکه غندم او عاملین یې د علم او پوهې د لارې دښمنان ګڼم.
د ښاغلي امین صاحب د شهادت له امله د هغوی درنې کورنۍ ته خپله غمشریکي وړاندې کوم، او د امین صاحب لپاره چې د خپل ژوند ډیره برخه یې د افغانستان ماشومانو ته وقف کړي وه د خدای(ج) نه ورته د جنت فردوس غوښتنه کوم او ښاغلي ګلبدین خان ته د ژر او بشپړې روغتیا هیله کوم،
د عبدالباقي امین شهادت د پوهنې کورنۍ او د افغانستان علمي ټولنې لپاره يوه ستره تشه ده.
