د پوهنې وزارت د څارنې او ارزونې ریاست د کارکوونکو مسلکي سیمینار پای ته ورسېد
هغه سيمينار چې تېره اوونۍ د پوهنې وزارت د څارنې او ارزونې رياست د کارکوونکو لپاره په لاره اچول شوی و، د ياد وزارت د کیفیت د معين الحاج مولوي عبدالخالق صادق په ویناء پای ته ورسېد.
د پوهنې وزارت معين په خپلو خبرو کې د دولتي ادارو د کارکوونکو د وړتيا لوړولو په برخه کې، د ښوونیزو او مسلکي سیمینارونو جوړول خورا مهم وبلل او له ګډون والو یې وغوښتل، تر څو په خپلو ارزونو کې د ټاکل شویو معیارونو په رعایت سره اړوند اسناد بايد په علمي ډول وارزوي.
ورپسې د یاد سیمینار یو شمېر ګډون والو هم د نورو په استازیتوب د خپلو کاري او مسلکي وړتياوو د لوړولو په برخه کې د پوهنې وزارت د مشرتابه له هڅو خوښي څرګنده کړه او دې دا ډول سيمينارونو د پراختیا غوښتنه يې وکړه.
مراسم په دعائيې سره پای ته ورسېدل.