د پوهنې وزارت کارکوونکو لپاره لارښود او روزنیز سیمینار پای ته ورسېد
د پوهنې وزارت د دعوت او ارشاد ریاست له خوا د یاد وزارت د مرکزي هستې منسوبینو لپاره لارښود او روزنیز دوه ورځنی سیمینار پای ته ورسېد.
د یاد سیمینار د پای په مراسمو کې د کارکوونکو چارو لوی رئیس محترم مفتي شفېع الله منصور، د دعوت او ارشاد رئیس محترم الحاج مولوي جمعه خان سروري، د استعدادونو ارزونې رئیس محترم مفتي عبدالولي سداد، د پوهنې وزارت چارواکو او منسوبینو، د امربالمعروف او نهی عن المنکر وزارت مسلکي معین محترم نورمحمد حقاني او د ارګ د دعوت او ارشاد رئیس محترم محمد هاشم ګډون درلود.
یادو مسئولینو د خپلو اغېزناکو ویناوو په ترڅ کې، د آیتونو او احادیثو پر بنسټ، د قرآن کریم د لارښوونو په رڼا کې د نېکو اعمالو په کولو او له نواهیو څخه د مخنیوي، په اسلامي ټولنه کې د علماءکرامو مقام، په اسلامي نظام کې د کارکوونکو مسئولیت او مکلفیت، د مراجعینو حقوق او داسې نورو موضوعاتو په تړاو ارزښتناکه ویناوې وکړې او د اسلامي نظام په چوکاټ کې یې د منسوبینو او کارکوونکو پر مسئولیتونو او له مراجعینو سره په نېک چلند کولو ټینګار وکړ او هغوی یې خپلو اساسي دندو ته متوجې کړل.
دغه پرتمینه غونډه د مبارکې دعائیې په لوستلو سره پای ته ورسېده.
