د پکتیکا ولایت په چهاربران ولسوالۍ کې د یوې مدرسې جوړېدلو لپاره درې جریبه ځمکه وقف او د ودانۍ جوړېدو کارونه یې پیل شول
د چهاربران ولسوالۍ د ابنعباس (رضیالله عنه) مدرسې لپاره د ځایي خلکو له لوري درې جرېبه ځمکه وقف او په ورته مهال په کې د مدرسې لپاره نوې ودانۍ جوړېدو کارونه هم پیل شول.
په همدې مناسبت جوړو شویو مراسمو کې د یادې ولسوالۍ ولسوال، پوهنې مسئولین، د ځايي ادارو استازي، د سیمې مشران او علماء کرامو ګډون درلود.
د پوهنې مسئولینو وویل، چې دا ځمکه د خلکو له لوري مدرسې ته وقف شوې ده، ترڅو د طلابو د زدهکړې د ځای کمښت ستونزه حل او یو سالم ښوونیز چاپېریال د هغوی د روزنې لپاره برابر شي.
د ولسوالۍ پوهنې آمر او نورو ویناوالو د خلکو له دغه نېک اقدام څخه د ستاینې ترڅنګ ژمنه وکړه، چې د خپل توان په حدودو کې به له دغې مدرسې سره همکاري وکړي.
