د پکتیکا ولایت پوهنې لپاره ۴۹ جریبه ځمکه وقف شوه
د پکتیکا ولایت په تروو ولسوالۍ کې د ۷ بابه ښوونځیو جوړولو لپاره د سیمې خلکو لخوا پوهنې ریاست ته په ټولیزه توګه ۴۹ جریبه ځمکه ورکړل شوه.
د یاد ولایت پوهنې رئیس محترم مولوي عبدالوکیل خالد څرګنده کړه، د پوهنې وزارت هڅه کوي، چې د ښوونیزو ادارو په پراختیا او د ملک د ماشومانو لپاره د زدهکړې فرصتونو په برابرولو کې له ورکړل شوې ځمکې څخه اعظمي ګټه پورته کړي؛ ترڅو زدهکوونکو ته خوندي او مناسب تعلیمي چاپېریال چمتو شي.
د پوهنې وزارت تل د ملک د علمدوسته خلکو له مرستو هرکلی کوي او همدارنګه د پکتیکا ولایت پوهنې ریاست ته د ځمکې ورکولو لپاره د تروو ولسوالۍ د اوسېدونکو هڅې ستایي.
