د کابل ښار نازو انا عالي لېسې اړوند د ۲۳۰ تنو زده کوونکو فراغت مراسم ترسره شول
د کابل ښار ۱۶مې ناحیې اړوند د نازو انا عالي لېسې زده کوونکو د فراغت مراسم، د کابل ښار پوهنې رئیس قاري عبدالباسط حقاني، د ۱۶ مې ناحیې آمر مولوي لعل محمد احمدي، مسئولینو، ښوونکو، زده کوونکو او والدینو په حضور کې ترسره شول.
غونډه د الهي کلام د څو مبارکو آیتونو په تلاوت سره پيل شوه؛ ورپسې د کابل ښار د ۱۶مې ناحيې آمر ورغلو مېلمنو ته ښه راغلاست ووايه او د یادې ناحیې د آمریت د ښوونیزو کړنو په اړه يې ګډون والو ته معلومات وړاندې کړل.
همدارنګه د کابل ښار پوهنې رئيس هم د نازو انا عالي لېسې زده کوونکو ته د فراغت مبارکي وويله او څرګنده یې کړه: تاسو د افغانستان د راتلونکي معماران او جوړونکي ياست او دغه فراغت د هېواد او خلکو په وړاندې ستاسو مسئوليتونه لاپسې زیاتوي.
نوموړي د زده کوونکو له والدینو هم وغوښتل، چې د زده کړو په برخه کې د خپلو ماشومانو ملاتړ او مرسته وکړي.
هغه زیاته کړه: د افغانستان.ا.ا پوهنې وزارت په ټول هېواد کې د پوهنې متوازنې پراختیا او پیاوړتیا ته ژمن دی او په دې برخه کې شپه ورځ هلې ځلې کوي.
دغه راز يو تن فارع زده کوونکي د نورو په استازيتوب له مسئولينو او استادانو څخه مننه وکړه، چې د خپلې پوهې او تجربو په لېږدولو کې يې هلې ځلې کړې او ژمنه يې وکړه چې د لامسلکي او تخصصي پوهې په ترلاسه کولو سره به د خلکو په خدمت او د هېواد پرمختګ برخه کې خپل دیني او ملي مسئولیت اداء کړي.
