د کندهار پر زده کوونکو د خوراکي توکو لړۍ رسمآ راپیل شول
د پوهنې وزارت_کندهار: ښوونځیو ته د زده کوونکو خاصتآ د انجونو د تشویق هڅوني او په اقتصادي برخه کي د کورنیو سره د همکاری په موخه د (WFP) مؤسسې لخوا پر زده کوونکو د غوړیو او بیسکوټ د توزیع لړۍ د (ALO) دفتر لخوا راپیل شول .
هغه مراسم چي په همدې موخه د دامان ولسوالۍ اړوند د نساجي نخي لېسې په انګړ کي جوړ شوي وه د پوهني د رئیس پوهنیار محب احمد روښان ترڅنګ د دامان، ډنډ او بولدک ولسوالیو د پوهني او نظارت امرینو، د (ALO) دفتر مسؤلینو ښوونکو او زده کوونکو ګډون در لود.
د پوهني رئیس پوهنیار محب احمد روښان په خپلو خبرو کي وویل ددې د پاره چي د یادي پروسې څخه بشپړ نظارت شوی وي او موخي ته د رسیدو پایله مو ترلاسه کړي وي په امتحاني توګه غواړو یاده پروسه په دامان، بولدک او ډنډ ولسوالیو کي د دوو میاشتو لپاره راپیل کړو ترڅو د توزیع د لړۍ پایله ترلاسه کړو وروسته به اړوند پروسه د ولسوالیو ترڅنګ په مرکزي ښوونځیو کي هم راپیل کړو چي د لاري به یې د اول ټولګۍ څخه تر ۶ ټولګۍ پوري هلکانو او انجونو ته بیسکوټ او د اول ټولګۍ څخه تر شپږم ټولګۍ پوري انجونو ته د میاشتي یوه ډبه غوړي ورکول کیږي.
نوموړي د اړوند دفتر ترڅنګ د یادو ولسوالیو د پوهني پر امرینو ږغ وکړ چي د توزیع پر مهال د پروسې شفافیت په نظر کي ونیسي او پرې نږدي چي پروسه د فساد سره مخ شي روښان وویل که چیري ولیدل شي پروسه کي فساد رامنځته شوی او یا هم یاد توکي بازار ته وړاندي شي د پروسې د بندیدو ترڅنګ به د اړوند مسؤلینو سره قانوني چلند وکړي.
دغه راز د پوهني رئیس پوهنیار محب احمد روښان د یادي لېسې د اداري او تدریسي چارو څخه هم لیدنه وکړل او د کیفیت د لوړیدا په موخه یې اړوند مسؤلینو ته یو لړ لارښووني وکړي ترڅو د زده کوونکو تدریسي بهیر ته خاصه پاملرنه وکړي.
