له ولایتونو څخه د پوهنې لنډ خبرونه
نورستان
د پوهنې وزارت د درۍ کلن ملي عملیاتي پلان د مسودې په اړه مشورتي غونډه، د نورستان ولایت پوهنې ریاست د مشرتابه او د پوهنې وزارت د پلان او پالیسۍ رئیس مولوي حبیب آخندزاده په حضور کې جوړه او په اړه یې د ګډون والو تر منځ نظرونه تبادله شول.
همدارنګه:
د نورستان ولایت پوهنې رئیس مولوي تاج محمد مطمئن په یاد ولایت کې د یوه مرستندویه بنسټ له استازي سره وکتل او د یاد بنسټ د ښوونیزو فعالیتونو او کاري پلانونو په اړه یې خبرې وکړې.
ننګرهار
د ننګرهار د عالي لېسې ۳۵ تنه زده کوونکي په یاد ولایت کې د کمپیوټر له روزنیز کورس څخه فارغ شول.
لوګر
د لوګر ولایت پوهنې ریاست د یاد ولایت په مدارسو، دارالعلومونو، دارالحفاظونو او دارالاېتامونو کې د ۵۱۵ استادانو د ګمارلو بهیر پیل کړ.
د یاد ولایت پوهنې مسئولینو په وینا، دغه شمېر استادان مخکې له دې په ډله ییزې آزموینه کې د ټاکل شوې کمېټې له لوري بریالي پېژندل شوي دي.
د یو بل خبر له مخې:
د لوګر ولایت پوهنې ریاست له لوري د یاد ولایت ازرې ولسوالۍ د ښوونځیو د زده کوونکو ترمنځ علمي او فکري سیالي په لاره اچول شوې وه، چې په پای کې بریالیو زده کوونکو ته ستاینلیکونه ورکړل شول.
