ننګرهار کې یوه ښوونځي ته ودانۍ جوړه شوه
پوهنې وزارت، ننګرهار: د ننګرهار ولایت چپرهار ولسوالۍ کې د څیرو لومړني ښوونځي ودانۍ ګټې اخیستنې ته وسپارل شوه.
دې ودانۍ پرانیستغونډه کې د پوهنې ریاست مسوولینو، د کلي یو شمیر قومي مشرانو او د زده کوونکو د کورنیو غړو برخه اخیستې وه.
د ياد ښوونځي ودانۍ په پاخه او اساسي ډول د اقراء پروګرام له لوري د شاوخوا ۴ میلیونه او ۱۴۶ زره افغانیو په لګښت جوړه شوې، چې ۶ ټولګي، ۲ اداري خونې، د اوبو څاه، ۳ غرفې تشنابونه او نور اړین ملحقات لري، چې په جوړيدو سره يې ۵۰۰ زده کوونکو ته د زده کړو خوندي چاپيريال برابر شو.
د ننګرهار د پوهنې رئیس حسیب الله شینواری د یاد ښوونځي پر جوړېدو خوښي څرګنده کړه او له خلکو يې غوښتنه وکړه، چې د ښوونځي ساتنې ته پام وکړي
