نورستان ولایت کې د څه باندې ۴۵ مېلیونه افغانیو په لګښت د ۲۲ بابه ښوونځیو بیارغونې پروژې پیل شوې
د نورستان ولایت په واما، وانټ، وایګل، برګمټال، کانتوا، نورګرام، کامدېش، دوآب او منډول ولسوالیو کې د ۲۲ بابه ښوونځیو لپاره د نویو ودانیو رغونې، بیارغونې، احاطوي دېوالونو جوړولو، د څښاک پاکو اوبو څاګانې کیندلو او د لمریزې سیسټمونو نصبولو چارې، د پوهنې وزارت سره د یوې همکارې ادارې په ملاتړ د ۴۵ مېلیونه ۵۱۲ زره ۶۲۷ افغانیو لګښت سره پیل شوې.
د یاد ولایت پوهنې رئیس الحاج مولوي تاج محمد مطئمن په وینا، د دغو پروژو په بشپړېدو سره به په پورته ذکر شویو ښوونځیو کې سلګونو زدهکوونکو ته خوندي ښوونیز چاپېریال او غوره تعلیمي آسانتیاوې برابرې شي.
