په زابل کې د یو ښوونځی ودانۍ ګټې اخیستنې ته وسپارل شوه
د پوهنې وزارت_زابل: د زابل ولایت د ارغنداب ولسوالۍ د باغ سیمې ښوونځي ودانۍ ګتې اخیستنې ته وسپارل شوه.
د نوموړي ښوونځي ودانۍ په پاخه او اساسي ډول په یو پوړ کې د څه باندې ۱۵ میلیونه افغانیو په ارزښت د دوست هېواد هندستان په مالي لګښت جوړه شوي، چې ۶ درسي ټولګي، ۲ اداري خونې، احاطوي دیوال میز او چوکۍ، د څښاک پاکې اوبه، لمریزه برېښنا، او نور اړونده ښوونیزي اړتیاوي لري چې د ودانۍ په جوړیدو سره د یادې سیمې شاوخوا سلګونه ماشومانو ته د لیک لوست خوندې چاپیریال برابر شي.
