په غزني ولایت کې د مدارسو اداري مسئولینو لپاره روزنیز سیمینار جوړ شو
د غزني ولایت پوهنې ریاست کې، د مدارسو اداري مسئولینو لپاره د ۸ قلمه اداري کتابونو له منځپانګې سره د بلدتیا او مسلکي کولو په موخه، "د ۸ قلمه اداري درسي کتابونو پېژندنې" تر سرلیک لاندې ۲ ورځنی روزنیز سیمینار پیل شو.
یاد پروګرام د مدرسینو مسلکي پراختیا غړو او د پوهنې چارواکو په نوښت په مرکز کې د مدارسو اداري مسئولینو لپاره په لاره واچول شو.
د یادونې وړ ده چې همدغه سیمینار پخوا د یاد ولایت په مرکز او ولسوالیو کې د مدرسینو مسلکي پراختیا غړو لپاره ترسره شوی و، چې اوسمهال د مدارسو اداري چارواکو لپاره دایریږي.
