په لغمان کې د تودو سيمو د ښوونځيو نوی ښوونيز کال پرانېستل شوه
د پوهنې وزارت_لغمان: د لغمان ولایت د تودو سيمو د لېسې د دورې ښوونځېو نوي تعليمي کال د زنګ په ګرنګولو سره رسمآ پیل شو.
د پرانېستو په مراسمو کې د پوهنې رییس عبدالله حميدي زده کوونکو ته يې د نوي تعليمي کال او هم يې له دولسمو ټولګيو څخه فارغ شويو زده کوونکو ته مبارکي وويله، راتلونکي کال يې د دوې د درسونو مهم فصل ياد کړ او ټینګار يې وکړ چې د تېر وبا ځپلي کال درسونه بايد جبران شي.
ورپسې د پوهنې رياست اړوند د ښاري حوزې د څارنې آمر مولوي عبدالمتین مبشر د ښوونځيو ترمنځ د علمي سياليو د پېل خبر ورکړ او په زده کوونکو يې ټنګار وکړ چې خپل چمتو والى ولري.
د یادولو وړ ده، چي په یاده دوره کې يوولسم او دولسم ټولګي او خصوصي ښوونځېو د لومړي ټولګي څخه تر دولسم ټولګي پورې شامل دي.
