په ننګرهار کې زده کوونکو ته د کولمو چنجیو د ګولیو د ویش کمپاین پیل شو
د پوهنې وزارت_ننګرهار: د ننګرهار ولایت د پوهنې ریاست اړوند د نجونو په ښوونځیو کې زده کوونکو ته د کولمو چنجیو د له منځه وړلو درمل ورکولو کمپاین پیل شو.
یاد کمپاین د پوهنې وزارت په لارښوونه د یونیسف موسسې په مالي مرسته پیل شو،چې دوه اوونۍ به دوام وکړي.
ددغه کمپاین دپرانستې په مراسمو کې چې د ننګرهار د مرکز اړوند د بي بي زینب په عالي لېسه کې جوړ شوي و، لومړی د ننګرهار دعامې روغتیا ریاست مرستیال ډاکتر سهاک د البندازول یا چینجیو ګولیو پر ګټو خبرې وکړې او هغه یی د نجونو لپاره خورا ګټورې وبللی. ډاکتر سهاک د پوهنې ریاست له مشرتابه مننه وکړه چې تل یې د عامې روغتیا ریاست سره په بېلابېلو برخو کې مرسته کړې ده.
بیا د پوهنې ریس حسیب الله شینواري په خپلو خبرو کې لومړی د عامې روغتیا ریاست او ټولو هغه ادارو نه چې د پوهنې ریاست سره د روغتیا په برخه کې مرسته کوي مننه وکړه ویی ویل که د زده کوونکو د ناروغیو د درملنې پر ځای وقایی ته پاملرنه وشي نو هم به په دی برخه کې د لګښتونو مخه ونیول شي او هم به زده کوونکي په روغه سټه خپلو زده کړو ته دوام ورکړي. پوهنې ریس وویل دپوهنې ریاست ټولو ذیدخلو کارکونکو ته به جدي سپارښتنه وکړي چې دا کمپاین په بریالۍ توګه پای ته ورسوي .
همدا رنګه دننګرهار والی شاه محمود میاخیل په خپلو خبرو کې وویل د ښوونځي د زده کوونکو عمر ژر زیانمنیدونکی دی او د ډیرو وړو ناروغیو په مقابل کې هم مقاومت نه شي کولای .هغه پر کورنیو غږ وکړچې د خپلو اولادونو روغتیا او د چاپیریال پاک ساتلو ته پام وکړي او د زده کوونک لپاره د چینجیو کولو ورکولو له کمپاین سره مرسته وکړي او خپل اولادونه وهڅوي چې دا ګولې وکاروي.
دمراسمو په پاې کې د ننګرهار والي ،دپوهنې ریس او د عامې روغتیا مرستیال له لورې څو تنو نجونو ته د البندازول ګولیو په ورکولو سره دا کمپاین رسما پېل شو.
