په هرات ولایت کې له پوهنې سره نږدې د نیم مېلیون افغانیو په لګښت مرسته شوې
د هرات ولایت شینډنډ ولسوالۍ علم پاله خلکو، د ۱۴۰۴ لمریز کال په لومړیو درېیو میاشتو کې پوهنې ریاست سره، څه د پاسه ۴۳۲ زره افغانیو په اندازه مرسته کړې ده.
د یاد ولایت پوهنې ریاست چارواکو په وینا، په دې مرستو کې د لمریزې برېښنا سیسټمونو جوړول، د ژورو څاګانو کیندل، ودانیو ترمیم او ښوونځیو ته د درسي توکو چمتو کول شامل دي.
د پوهنې وزارت، د ښوونیز نظام د پلانونو او پروګرامونو لپاره د عامو خلکو له مرستو او ملاتړ څخه مننه کوي.
