په هلمند ولایت کې د ۱۸۵ تنو ښوونکو لپاره شپږ ورځنی میتودیکي سیمینار پیل شو
هلمند ولایت کې د ۱۸۵ تنو ښوونکو د مسلکي وړتیاوو لوړولو په موخه «د ګټور تدریس» تر سرلیک لاندې ۶ ورځنی مسلکي سیمینار، د یو همکار بنسټ په ملاتړ د پوهنې ریاست مسئولینو او ګډون والو په شتون کې پیل شو.
پوهنې مسئولينو یاد سيمينارونه ګټور او ارزښتناک وبلل او له ګډون والو يې وغوښتل، چې له دغه ډول فرصتونو څخه ډېره ګټه پورته کړي، تر څو د زده کوونکو د تعليمي کچې په لوړولو کې رغنده رول ولوبوي.
د يادونې وړ ده، چې تر دې وړاندې هم د هلمند ولايت په ولسواليو کې د ښوونکو او د پوهنې مسئولينو لپاره دا ډول سيمينارونه جوړ شوي وو.
