په کندهار ولایت کې هممهاله ۹ بابه ښوونځي پرانیستل کېږي
د کندهار پوهنې ریاست په یو بیان کې ویلي چې د یوې همکارې ادارې په مرسته، په ټولیزه توګه ۹ بابه ښوونځي ترمیم شوي دي:
۱- په معروف ولسوالۍ کې دوه بابه ښوونځي؛
۲- په سپین بولدک ولسوالۍ کې ۲-۳ بابه ښوونځي؛
۳- په ارغستان ولسوالۍ کې دوه بابه ښوونځي؛
۴- په ډنډ ولسوالۍ کې یو باب ښوونځی؛
او په دامان ولسوالۍ کې یو باب ښوونځی.
دا پروژه د ۷۴ مېلیون ۳۵۴ زره ۱۴۸ افغانیو په ټولیز لګښت پلې شوې او د ګټې اخیستلو لپاره چمتو شوې ده.
د پرانیستې په مراسمو کې پوهنې مسئولینو او د یو شمېر سیمه ییزو ادارو استازو، علماءکرامو، د ادارې مسئولینو او عامو خلکو ګډون درلود.
د پوهنې چارواکو او نورو ویناوالو د ټولنې د اصلاح، هوساینې او د هېواد پرمختګ په برخه کې د علم د اهمیت او رول په اړه خبرې وکړې، له خلکو یې وغوښتل چې په مدارسو او ښوونځیو کې د خپلو ماشومانو شاملولو لپاره هڅې وکړي او د پوهنې وزارت له پروګرامونو څخه مادي او معنوي ملاتړ وکړي.
علماءکرامو او اوسېدونکو د خپلو ویناوو پرمهال، په ټول هېواد کې د تعلیمي مرکزونو د پراختیا په برخه کې د پوهنې وزارت د مشرتابه له هڅو ستاینه وکړه او د هېواد له پوهنیز نظام څخه یې د خپل ملاتړ ډاډ ورکړ.
